Шығыс Қазақстанда бизнестің тағы бір проблемасы шешілді
Шығыс Қазақстан облысы Көкпекті ауданының кәсіпорнына ҚХР серіктесімен келісімшарттың бұзылуы, сондай-ақ уәкілетті орган әлі қолданысқа енгізбеген жаңа үлгідегі сертификаттың болмауына байланысты өнімнің үлкен партиясының бұзылуы қауіп төндірді. ШҚО Кәсіпкерлер палатасының араласуымен және Ветеринариялық бақылау және қадағалау комитеті басшысының жеке қатысуы арқасында «Кузмич» ЖШС мәселесі қысқа мерзімде шешілді.
Шығыс Қазақстан облысының Кәсіпкерлер палатасына өз құқықтары мен заңды мүдделерін қорғау үшін Көкпекті ауданының «Кузмич» ЖШС-нің басшысы жүгінді, оған ҚР АШМ Ветеринариялық бақылау және қадағалау комитеті балық өнімдерінің экспортына қытайлық үлгідегі ескі сертификатты пайдалануға рұқсат бермеді.
Кәсіпкердің айтуынша, 2022 жылдың желтоқсанында Қытай тарапымен жасалған келісімшартқа сәйкес кәсіпорын балық өнімдерін жөнелтуге дайындап, ҚХР-да жарияланған карантинді алып тастауды күткен. Сөйтіп, 8 қаңтарда шектеу шараларының әлсіреуіне байланысты «Кузмич» ЖШС жергілікті ветеринариялық инспекция 2016 жылдан бастап осы уақытқа дейін заңды деп таныған Қытай сертификатын пайдалана отырып, өнімдерді экспорттауды жоспарлады. Алайда, қазір Ветеринарлық бақылау және қадағалау комитеті бұл құжатты пайдалануға рұқсат бермейтіні анықталды және сертификаттың жаңа үлгісін бекіту тек 2023 жылдың қаңтар айының соңына жоспарланған.
«21 қаңтарда Қытай Халық Республикасында жаңа жыл мерекесі басталады және осы кезеңде олар шекараны жабады. Ал «Кузмич» ЖШС-нің өнімдері тағы біраз уақыт тұратын болса, бүлінетіні анық. Қытай шекарасындағы кепілдік бақылау ескі үлгідегі сертификатты пайдалануды келіскеніне қарамастан, біздің тарапымыздан тосқауыл пайда болды», - деп түсіндірді ШҚО Кәсіпкерлер палатасы директорының құқықтық мәселелер жөніндегі орынбасары Әлия Мұқашева.
Бизнес-омбудсменнің өкілі ҚР АШМ Ветеринариялық бақылау және қадағалау комитетінің басшысы Асқар Жақыпбаевқа жүгінді, ол 2022 жылға дейін ШҚО Кәсіпкерлер палатасы директорының экономикалық мәселелер жөніндегі орынбасары қызметін атқарған болатын. Істің мәніне үңіле отырып, Комитет басшысы «Кузмич» ЖШС мәселесін шешуге көмек көрсетті.
«Кәсіпорын өз өнімдерін ескі үлгідегі сертификат негізінде жібере алды, өйткені жаңасы әлі уәкілетті органмен бекітілмеген. Мәселе қысқа мерзімде шешілді! Келісімшарт бұзылған жоқ! Өнімнің сапасы сақталды! Халық үніне құлақ асатын мемлекетте басшылар бизнес мәселелерін шешу үшін тез арада жауапты шешім қабылдайды. Асқар Шәкенұлы менің әріптесім болғанын мақтан етемін!» - дейді Әлия Мұқашева.
Өз кезегінде «Кузмич» ЖШС басшылығы ШҚО Кәсіпкерлер палатасының директоры Қайрат Мамырбаевтың атына алғыс хат жолдады, онда кәсіпорынның құқықтарын толық қорғаған ӨКП құқықтық блогының жедел және үйлесімді әрекеттері көрсетілген.
«Мұндай қиын уақытта кәсіпкерлерді, қорғауға және көмек қолын созуға дайын, оң істі түбегейлі және адал жақтайтын ұйым бар екені қуантады. Кәсіпкерлер палатасы - шағын және орта бизнесті дамытудың қуатты құралы және көмекшісі. Сізге және сіздің ұжымыңызға ризашылығымды білдіремін және барлық істер мен бастамаларда мақсатқа жетулеріңізді тілеймін!» - делінген «Кузмич» ЖШС алғыс хатында.
Құрметті Шығыс Қазақстан облысының кәсіпкерлері, егер сіз өз құқығыңыздың бұзылуына немесе құқықтық саладағы басқа да проблемаларға тап болсаңыз, Шығыс Қазақстан облысының Кәсіпкерлер палатасына және оның аудандық филиалдарына 8 (7232) 742-103, 8-705-521-66-62 телефондары арқылы хабарласа аласыз.
Пікір қалдыру:
Пікірлер: